Dende a asociación GaliciAME, asociación galega que reúne ós afectados galegos de Atrofia Muscular Espiñal, dende a directiva queremos compartir e dar unha maravillosa noticia que xamáis pensamos que iamos ver e menos vivir.
Levamos un tempo traballando tanto a presidenta da identidade, Mercedes Álvarez Fernández como a vicepresidenta Yolanda Fernández Gómez nas nosas institucións, concretamente no Parlamento Galego para concienciar e dar a coñecer o momento histórico que estamos vivindo todos os afectados de Atrofia Muscular Espiñal.
En Decembro do ano pasado a FDA aprobou en Estados Unidos ó primer fármaco dirixido a afectados de Atrofia Muscular Espiñal, denominado para o seu uso comercial, SPINRAZA, que pertence ós laboratorios Biogen, sendo aprobado para todos os tipos, idades sen restriccións.
Ante os acontecementos e que todo ía tan rápido decidimos poñernos en marcha, xa que o seguinte paso sería aprobación para a súa comercialización en Europa.
O 1de Xuño a EMA aprobou SPINRAZA, a cal dice e certifica que dito fármaco é seguro e eficaz.
Como nós xa levavamos un tempo, exactamente dende Maio, reunindonos e informándonos dos pasos e das distintas formas de acceder ó fármaco, xa que aquí en España unha vez aprobado un fármaco pola EMA hasta que chega o doente poden pasar dende 6 meses a 2 anos ou incluso 5, xustamente isto último é o que non temos exploramos outro tipo de acceso.
Solicitamos ós nosos políticos, acceder ó fármaco como medicamento estranxeiro, sendo a única maneira de acceder sen esperar a que chegen a un acordo de prezo entre o Estado e a farmacéutica, solicitándollo o conselleiro de Sanidade da nosa comunidade autónoma, tras coñecer a nosa situación comprometeuse ca asociación a facilitar ó acceso ó fármaco como medicamento estranxeiro.
Así que hoxe 15 de Septembro queremos informar e confirmar que:
1.- accedemos ó fármaco denominado SPINRAZA primer medicamento dirixido a doentes de Atrofia Muscular Espiñal como medicamento estranxeiro.
2.- hoxe estase levando a cabo a primeira administración o primer neno de España en acceder ó fármaco unha vez rematados os ensaios clínicos sen haber chegado a un acordo de prezo entre o Estado e a farmacéutica.
3.- é un varón que conta con tres anos de idade afectado de Atrofia Muscular Espiñal tipo 2.
4.- a admistración do fármaco levarase a cabo aquí en Galicia, esta primeira no CHUS de Santiago de Compostela.
5.- a administración é vía intratecal ou o que é o mesmo punción lumbar.
6.- o resto de afectados galegos irán accedendo do mesmo xeito como medicamento estranxeiro paulatinamente.
Confirmando xa que o seguinte afectado accederá en dúas semanas en Ourense.
Queremos aprobeitar este comunicado para apoiar as familias afectadas do resto de España que xa se uniron poñéndose en marcha seguindo os nosos pasos en diferentes comunidades autónomas, ofrecémonos a traballar codo con codo axudándolle aportando a máxima información posible, xa que todos estamos no mesmo barco, desexamos que tódolos nenos AME de España accedan a SPINRAZA o antes posible.
SPINRAZA non é a cura definitiva pero amósanos o primer raio de luz, abrindo unha porta que ata fai bén pouco estaba completamente pechada, aunque está aprobado para tódolos tipos e idades, non todos os afectados son aptos para poñelo, aquí en Galicia so temos un doente que non é apto.
Por fin temos algo que ofrecer e dar os nosos nenos xa que aparte de esperanza augura unha boa calidade de vida.
En estos momentos lembrámonos sobre todo dos que xa non están, comprometéndonos a seguir loitando por aqueles que sí están aquí e non reúnen as condicións para acceder ó fármaco, mentras quede tan só un doente sen tratamento seguiremos pelexando.
GALICIAME